Sensibilizasaun kona-bá lei Funsaun Públika liuliu rejime jerál no rejime espesiál ba profesór-sira iha munisípiu Viqueque, kuarta (04/08/21). Imajen Tatoli/Vitorino Lopes da Costa.

VIQUEQUE, 04 agostu 2021 (TATOLI)—Ekipa hosi Komisaun Funsaun Públika (KFP), Diresaun Nasionál Rekursu Umanu Ministériu Edukasaun Joventude no Desportu (MEJD), hamutuk ho Ministériu Solidariedade Sosiál no Inkluzaun (MSSI), hala’o sensibilizasaun kona-bá   lei Funsaun Públika liuliu rejime jerál no rejime espesiál ba profesór-sira iha munisípiu Viqueque.

Diretór Serbisu Edukasaun Munisípiu Viqueque, Emídio Amaral, hateten objetivu prinsipál hosi sosializasaun ne’e, atu esplika  kona-bá  regra lisensa no falta ba profesór-sira.

Notísia relevante:Profesór 900 iha Viqueque prontu vasina doze dahuluk

“Ekipa hosi nasionál halo sensibilizasaun  kona-bá avaliasaun dezempeñu ba karreira rejime rua ne’e atu sira bele hatene regra lisensa no falta. Bainhira profesór-sira falta sei ko’a sira-nia saláriu,” Emídio Amaral, hateten ba jornalista Agência Tatoli, kuarta ne’e.

Totál profesór hosi Ensinu Báziku Filiál (EBF), Ensinu Báziku Sentrál (EBC sígla portugés), Ensinu Sekundáriu Jerál (ESG sigla portugés),  Ensinu Sekundáriu Tékniku Vokasionál (ESTV) ne’ebé kategoria ba rejime espesiál hamutuk na’in 1.02 no rejime jerál ne’ebé iha adimistrasaun hamutuk na’in 54.

Iha  abertura sensibilizasaun  ne’e, adimistradór Munisípu Viqueque, Januário Soares ‘Bolly’, husu profesór-sira iha munisípiu ne’e tenke kumpre lei Funsaun Públika (FP), ne’ebé vigora ona iha Timor-Leste.

Sensibilizasun ne’ebé hala’o durante loron ida hetan partisipasaun hosi profesór  EBF no EBC hamutuk na’in 150, profesór  ESG no ESTV  hamutuk na’in 36, superentendente ho inspetór eskolár na’in-ualu, funsionáriu públiku na’in-neen ho totál 200.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here