Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (04/08). Imajen TATOLI/Egas Cristóvão

DILI, 04 agostu 2021 (TATOLI)–Ministru Administrasaun Estatál (MAE), Miguel Pereira de Carvalho, aprezenta Projetu Dekretu Governu, iha reuniaun Konsellu Ministru (KM), kona-ba alterasaun dahuluk ba Dekretu Governu ne’ebé refere ba remunerasaun autoridade munisipál sira.

“Projetu Dekretu Governu ne’ebé hetan aprovasaun ne’e, hatuur katak hahú hosi janeiru 2022, Prezidente Autoridade Munisipál sira sei simu remunerasaun kada fulan $1.600 no Administradór Munisipál $1.300,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu iha Palásiu Governu, kuarta ne’e.

Tuir Portavóz Governu, diploma ne’e ho hanoin ida katak autoridade munisipál iha responsabilidade boot ho dezempeñu kargu ne’ebé sei implika hanesan reprezentante sira ba nível munisipál hosi Governu sentrál, ne’ebé kaer responsabilidade ba servisu oioin.

“Bainhira iha aumentu remuneratóriu, eziji mós responsabilidade, prestasaun servisu no dever ne’ebé tenke hanesan ho nível remunerasaun ne’ebé hetan,” Ministru subliña.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here