PN. Imajen.Doc.Tatoli.

DILI, 03 agostu 2021 (TATOLI)—Reprezentante Povu iha uma fukun Parlamentu Nasionál (PN) husu Governu liuhosi Ministériu Ensinu Superiór, Siénsia no Kultura (MESSK) apoia izensaun propina ba estudante sira iha rai-li’ur tanba estudante barak hasoru problema durante vijénsia COVID-19.

Notísia Relevante: MF realiza pagamentu izensaun propina ba estudante ensinu superiór 64.619

Deputadu Bankada Congresso Nacional de Reconstrução de Timorense (CNRT), Adérito Hugo da Costa, husu polítika izensaun propina ne’e apoia mós estudante Timor-oan sira ne’ebé hala’o sira-nia estudu iha rai-li’ur.

“Natoon aprova iha-ne’e (Parlamentu Nasionál), ita-boot sira tau mós atensaun ba estudante sira iha rai-li’ur, tanba la’ós hotu-hotu eskola iha li’ur ne’e hetan bolsu estudu. Ho pandemia mundiál halo família barak ninia oan iha Portugál, Filipina, Indonézia no nasaun sira seluk (la’ós bolsa estudu) enfrenta problema boot atu selu sira-nia propina tanba problema pandemia nian,” nia levanta liuhosi plenária, tersa ne’e.

Eis Prezidente Parlamentu Nasionál ne’e simu telefone hosi estudante Timor-oan iha Portugál katak oras ne’e bolseiru sira hosi Áfrika hasoru situasaun ne’ebé aat tebes estudante timor-oan sira labele ahsoru problema hanesan ne’e.

“Ha’u espera katak Timoroan sira-ne’ebé la’ós bolseiru ne’e la hasoru problema hanesan ne’e, tanba ita hetan atensaun hosi governante sira. Tanba ne’e, ha’u husu bolseiru iha rai-li’ur ne’e simu osan ho loloos ka lae. Oinsá Governu nia atensaun ba estudante sira-ne’ebé iha rai-li’ur ne’ebé la’ós bolseiru,” nia fó hanoin ba Governu.

Hatán ba kestaun ne’e, Ministru Ensinu Superiór, Siénsia no Kultura (MESSK), Longuinhos dos Santos, hateten bainhira aprova izensaun propina seidauk iha planu atu resposta preokupasaun ne’e.

“Kona-ba propina ba estudante sira rai-li’ur Governu seidauk iha hanoin ba ida-ne’e, maibé ba pagamentu ba bolseiru sira la’o ho di’ak tebes,” nia hateten.

Notísia Relevante: MESSK esplika implementasaun izensaun propina ba PN

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here