Estudante ESG Palaban tuir ezame segundu períodu. Imajen Tatoli/Abilio Elo Nini.

OÉ-CUSSE, 03 agostu 2021 (TATOLI)—Diretór Eskola Sekundáriu Jerál (ESG, sigla portugés) Palaban, Cristino Nunes, ezame segundu períodu bele realiza tuir ezame nasionál iha eskola Palaban la’o di’ak tanba hetan matéria didátika ne’ebé sufisiente.

Notísia Relevante: Estudante 224 iha EBC Palaban kontribui $1 sosa ekipamentu ezame

Estudante ESG Palaban tuir ezame segundu períodu. Imajen Tatoli/Abilio Elo Nini.

“Ami hetan materia didátika uitoan maske la barak depois jestaun eskola ida-idak mak jere rasik. Ami realiza ba terseiru-ano sira uza folla resposta no tuir sistema ezame nasionál, nune’e estudante sira bele prepara-an ba ezame nasionál. Ezame la’o di’ak hanesan sistema ezame antes nian ne’ebé kompletu tanba matéria didátika bele jere ho di’ak ba estudante sira,” Cristino Nunes informa ba Agência Tatoli iha Palaban, Suku Costa, Sub-Rejiaun Pante Makasar, tersa ne’e.

Ba primeiru no segundu ano sira-nia matéria nasionál hanesan Físika, Kímika, Matemátika no Historia ne’e uza print-out nafatin hanesan ezame baibain, tuir sistema nasionál maske folla resposta ne’e ida-idak mak prepara. 

Durante realizasaun ezame tama ba loron daruak nian, estudante sira hamutuk ho profesór sira kontinua kumpre nafatin protokolu Organizasaun Saúde Mundiál (OMS) nian hanesan uza máskara, distansia fíziku, iha eskola prepara tanke bee-moos hodi bele fase liman molok partisipa ezame

Entretantu, totál estudante sira iha ESG Palaban iha terseiru ano hamutuk na’in-208 no totál en-jerál hamutuk 764, ho totál profesór sira hamutuk na’in-27 kompostu hosi profesór permanente na’in-22 no kontratadu hamutuk na’in-lima (5).

Jornalista : Abilio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here