Imajen/Espesiál.

DILI, 03 Agostu 2021 (TATOLI)—Diretór Center for Korean Studies (CKS), Choi Chang Won hateten, sentru formasaun ne’e kapasita timoroan sira liuhosi formasaun lían Korea, ho objetivu atu dezenvolve kooperasaun entre TimorLeste no Korea iha futuru.

“Matéria ne’ebé formandu sira estuda iha lían korea hanesan báziku nian, ne’ebé estuda konabá gramátika no liafuan korea nian no oinsá halo diálogu,” Choi Chang Won hateten ba Agência Tatoli, iha Hotel Timor, Díli, tersa ne’e.

Imajen/Espesiál.

Iha tinan 2021, formandu sira-ne’ebé rejista ona hamutuk 200 maibé ho situasaun pandemia COVID-19 entaun formasaun ne’e labele realiza, maibé daudaun ne’e iha ona planu hodi hahú halo formasaun liuhosi online iha fulan setembru tinan ne’e.

Center for Korean Studies (CKS) ne’e hamahon an iha Universidade Nasionál Timor Lorosa’e (UNTL) nia mahon liu-liu iha Fakuldade Ekonómia ho Jestaun.

Sentru ne’e komesa atividade iha loron 11 jullu tinan 2013, ne’ebé funda hosi Diretór Center for Korean Studies (CKS), Choi Chang Won, ho objetivu atu fahe koñesimentu konabá lían korea no hakarak mós dezenvolve kooperasaun entre TimorLeste no Korea.

Foufoun estabelese, sentru ne’e hahú uluk halo formasaun iha área lían korea ho partisipante na’in 10 no líderansa iha na’in-20, maibé tinan ba tinan estudante ne’ebé tuir formasaun iha sentru aumenta.

Hosi 2013 to’o 2021, formandu minimu rihun rua mak tuir ona formasaun iha CKS, hosi númeru ne’e mai hosi estudante universidade no juventude en-jerál, no hosi formasaun ne’e totál formandu na’in30 mak oras ne’e servisu iha Korea.

Aleinde ne’e, Center for Korean Studies (CKS) fahe mós koñesimentu lían korea liuhosi rádiu liberdade, hahú iha fulan-maiu iha kada loron sestafeira tuku 19:00 kalan to’o agora la’o hela.

Entretantu, totál funsionáriu no formadór iha CKS hamutuk na’in10 no formadór CKS maihosi alumni CKS ne’ebé hala’o ona estudu iha Korea no fila-fali mai TimorLeste hodi fahe fali esperiénsia ba estudante no juventude en-jerál.

FPDTL reativa formasaun

Entretantu, iha fatin diferensa, Diretór Fundasaun Parseriu Dezenvolvimentu Timor-Leste (FPDTL), Sancho Belo do Rego, informa dadaun ne’e sentru formasaun refere reativa ona formasaun ba formandu 220.

Antes atu hahú aula prezensiál, sentru ne’e fó sai avizu ba formandu sira liuhosi grupu WhatsApp no husu ba formandu sira atu kumpre nafatin medidas prevensaun COVID-19 nian hosi uza máskara, fase liman beibeik no distánsiamentu sosiál.

Ba distansia sosiál, nia dehan, durante iha situasaun normál kada sala aula formandu hamutuk na’in30 maibé iha situasaun COVID-19 ne’e redús tiha kada sala-de-aula ho formandu hamutuk nai’n15 de’it.

Notísia Relevante: FPDTL hein despaixu MEJD atu reativa formasaun

Jornalista : Nelia Feernandes

Editór       : Cancio Ximenes

HAKEREK NO HATÁN

Please enter your comment!
Please enter your name here