Primeiru- Ministru, Taur Matan Ruak, konvoka enkontru ho Prezidente RAEOA-ZEESM, TL, Arsénio Paixão Bano, iha Rezidénsia ofisiál Farol, segunda (02/08). Imajen TATOLI/Egas Cristóvão

DILI, 02 agostu 2021 (TATOLI)–Primeiru-Ministru (PM), Taur Matan Ruak, sei halo vizita traballu bá Rejiaun Administrativa Espesiál Oé-cusse Ambeno (RAEOA) iha tempu badak.

“Ami husu atu Primeiru-Ministru vizita Oé-cusse no nia aseita atu ba iha fulan-setembru, entaun ami prepara ba ida-ne’e,” Prezidente Autoridade RAEOA, Arsénio Paixão Bano, relata hafoin ramata reuniaun ho PM iha Rezidénsia ofisiál Farol, segunda ne’e.

Tuir Prezidente Autoridade, povu atoni-oan sira hakarak Xefe Governu hala’o vizita ba Oé-cusse.

“Primeiru-Ministru hateten katak nia ba Oé-cusse hakarak haree liu ba iha área edukasaun, nutrisaun no área sira ne’ebé antes ne’e nia halo vizita ona bainhira nu’udar Prezidente Repúblika, entaun ha’u kontente tanba nia iha hakarak ba vizita ami,” nia akresenta.

Jornalista : Antónia Gusmão

Editora    : Julia Chatarina

HAKEREK NO HATÁN

Please enter your comment!
Please enter your name here