Edifísiu Diresaun Munisípal Konservatóriu Serbisu Rejistu Notariadu, munisípiu Bobonaro. Imajen Tatoli/Sérgio da Cruz.

BOBONARO, 02 agostu 2021 (TATOLI)—Diresaun Munisipál Konservatóriu Serbisu Rejistu Notariadu, munisípiu Bobonaro, re-ativa atendimentu públiku, hafoin suspende durante loron haat, tanba Diretór DMCSRN, João Maupelo da Costa nu’udár pesoál importante iha diresaun ne’e rekopera hikas hosi virus COVID-19.

Diretór ne’e infetadu COVID-19 iha tersa 27 jullu no iha 30 jullu, rezultadu teste amostra PCR hatudu katak, pesoál imporante ne’e negativu.

Notísia relevante:Pesoál importante iha DMCSRN Bobonaro pozitivu COVID-19

Tamba ne’e, ohin dirijente hosi instituisaun ne’e deside halo atendimentu fila-fali ba populasaun iha Bobonaro.

“Ami hahú fali atendimentu ba ita-nia komunkdade tanba ha’u rekopera ona hosi COVID-19. Loloos ne’e 05 agostu mak re-ativa, maibé tanba komunidade ninia nesesidade ita tenke hahú fali agora,” João Maupelo da Costa, informa ba Agência Tatoli iha kna’ar fatin, segunda ne’e.

DMCSRN sei koopera ho Serbisu Saúde munisipál Bobonaro atu dezinfekta edifísiu, instala mós fasilidade balun, nune’e bele prevene trasmisaun COVID-19.

Diretor ne’e esplika, komesa ohin ba oin atendimentu ba komunidade ne’ebé atu trata dokumentu rejistu sivíl hanesan, sertidaun moris, óbitu, kazamentu sei halo de’it iha segunda to’o kuarta.

Kona-bá sertifikadu rejistu kriminál sei atende de’it iha kinta to’o sesta, ba pasaporte no Billete Identidade sei atende hahú hosi segunda to’o sesta.

Iha edifísiu DMCSRN mós prepara be’e mos no handsanitizer, no durante atendimentu komunidade obrigatóriu tenke uza masker.

Funsionáriu iha Diresaun ne’e hamutuk na’in-sanulu no na’in-ida funsionáriu kazuál, hosi númeru ne’e na’in-ida simu ona vasina AstraZeneca kompletu no na’in-haat mak foin simu doze primeiru.

Jornalista: Sérgio da Cruz

Editór: Cipriano Colo

HAKEREK NO HATÁN

Please enter your comment!
Please enter your name here