Membru Asosiasaun Haburas Fini Komersiál (AHFK) hosi suku Afaloikai, postu daministrativu Uatulari, munisípiu Viqueque, kolleta hela hare nakroma, segunda (02/08/2021). Imajen Tatoli/Vitorino Lopes da Costa.

VIQUEQUE, 02 agostu 2021 (TATOLI)—Asosiasaun Haburas Fini Komersiál (AHFK) hosi suku Afaloikai, postu daministrativu Uatulari, munisípiu Viqueque, sei entrega hare fini nakroman hamutuk tonelada 16   ba Ministériu Agrikultura no Peskas (MAP), iha 2021.

Prezidente AHFK, Martinho de Fátima, hateten asosiasaun prepara ona hare fini nakroma tonelada 16  ne’ebé oferese ba MAP, hodi distribui fali ba agrikultór-sira ne’ebé presiza.

Notísia relevante:Populasaun Viqueque 92% la soe foer-boot arbiru

“Hosi 2014 to’o 2020 AHKF prodús ona fini tonelada 50 no distribui ba MAP. Hosi lisensa annuál tinan 2020 ba 2021 AHFK prodús hare ektare ualu (8) ho tarjetu rendimentu tonelada 16,” Martino de Fátima, hateten ba jornalista Agência Tatoli, liuhosi telefónika, segunda ne’e.

Durante tinan hitu, AHKF prodús fini oi-oin mak hanesan, hare nakroman, batar noi-mutin, fore-mungu, aifarina no seluk tán.

Tuir nia, Asosiasaun produtór fini iha munisípiu Viqueque hamutuk hitu, ne’ebé konsege hapara ona fornesimentu fini hosi munisípiu seluk ba MAP, tanba kada tinan asosiasaun hitu ne’e mak fornese rasik.

Asosiasaun AHFK iha membru grupu sia (9), maibé iha grupu neen rezigana-an ona no iha tolu mak sei ativa hodi  prepara fini atu distribui ba MAP.  

Jornalista: Vitorino Lopes da Costa

Editór: Ciprino Colo

HAKEREK NO HATÁN

Please enter your comment!
Please enter your name here