Estensionista suku nain-26 partisipa formasaun iha salaun enkontru Dirasaun Agrikultura bairu Horta, Suku Costa, Sub-Rejional Pante Makasar, tuir formasaun téknika metodolojia agríkola. Imajen/Mídia Sekretáriu Rejionál ba Asuntu Agrikultura RAEOA.

OÉ-CUSSE, 30 Jullu 2021 (TATOLI)—Sekretaria Rejionál ba Asuntu Agrikultura liuhosi Diresaun Rejionál Agrikultura (DRA), Departementu Esktensaun Agríkola, apoia formasaun kona-ba téknika metodolojia esktensaun agrikola ba funsionáriu estensionista na’in-26 ne’ebé durante ne’e serbisu hamutuk ho komunidade sira iha suku 18 iha Rejiaun Administrativa Espesiál Oé-Cusse Ambeno (RAEOA).

Notísia Relevante: RAEOA estabelese sentru agríkultura iha zona Nitibe

Sekretáriu Rejionál ba Asuntu Agrikultura, José Eta, hateten objetivu hosi formasaun ne’e atu hala’o atendimentu di’ak liután ba agrikultór sira iha suku, halo akompañamentu téknika no halo fornesimentu informasaun hosi agrikultór sira ba dirasaun relevante, nomós buka hatene problema saida mak komunidade enfrenta hodi buka alternativa atu rezolve.
“Ita-nia esktensionista sira mak iha baze loro-loron, serbisu hamutuk ho komunidade iha baze iha área to’os rai-maran, toos-modo ortikultura, natar, planta industria sira, área peská, no pekuária, tanba ne’e ita fornese informasaun téknika ba sira atu aumenta sira-nia koñesementu iha área téknika akompañamentu iha baze,” José Eta informa ba Agência TATOLI, iha Oé-Cusse, sesta ne’e.

Dirijente Dirasaun Rejionál Agrikultura ne’e apela ba komunidade, lider autoridade lokál sira atu serbisu hamutuk ho funsionáriu destakadu esktensionista sira iha kada suku hamutuk na’in 26 iha suku 18.

Daudaun ne’e totál funsionáriu iha Departementu Esktensaun hamutuk na’in-32 mak durante ne’e fasilita téknika atendimentu ba komunidade sira iha baze atu haforsa liután área agrikultura.

Estensionista hosi Suku Cunha, Sub-Rejiaun Pante Makasar, Marcelino da Rosa, ahto’’o agradesimentu ba Dirasaun Rejionál Agrikultura tanba fó biban ba sira atu partisipa formasaun ne’e hodi aumenta sira-nia koñesementu iha área atendimentu no apoia téknika ba agrikultór sira iha baze.

“Ha’u orgullu no agaradese liuhosi formasauun ne’e bele aumanta tan ami-nia kuñesimentu hodi bele serbisu hamutuk ho komunidade iha baze. Formasaun ne’e importante ba ami hanesan akompañamentu direta ba komunidade iha baze hodi haree ba sá problema mosu, ami mak hola desizaun no fó solusaun rasik ba problema ne’ebé ami hasoru,” nia dehan.

Jornalista : Abilio Elo Nini 

Editór       : Cancio Ximenes

HAKEREK NO HATÁN

Please enter your comment!
Please enter your name here