Prezidente Conselho Imprensa (CI), Virgílio da Silva Guterres. Imajen Tatoli/Egas Cristóvão.

DILI, 30 jullu 2021 (TATOLI)—Prezidente Conselho Imprensa (CI), Virgílio da Silva Guterres, husu ba partidu polítiku sira atu sai instrument edukasaun polítika, hodi eduka votante-sira vota duni ho konsiénsia.

Virgílio da Silva Guterres husu ne’e, durante sai oradór prinsipál, iha kolókiu ne’ebé Agência Noticiosa de Timor-Leste realiza ho tema ‘Papél Tatoli,I.P ba susesu eleisaun Prezidensiál iha tinan 2022’, iha edifísiu Faról, sesta ne’e.

Notísia relevante:Perante eleisaun jerál, Tatoli,I.P tenke sai portavós umanístika

“Apela ba partidu polítiku-sira labele konsidera sira nia-an hanesan mákina eleitorál de’it, maibé mós sai hanesan instrumentu edukasaun polítika,” Virgílio da Silva Guterres, apela.

Nia dehan, média-sira ne’ebé iha orientasaun partidária, ka sira ne’ebé ho karáter ideolójiku CI fó hanoin katak iha sosiedade demokrátiku ida-ne’e tenke sai instrumentu edukasaun públika, nune’e étika komunikasaun ba públiku ne’e mós tenke tau konsiderasaun, tanba ohin bele bosok, aban bele bosok, maibé tinan oin labele bosok ona.

Durante ne’e mós CI ezerse hela papél ida maka, oinsá halo supervizaun ba jornalista-sira atu bele halo diferensa entre opiniaun pesoál, partidária ka liña editoriál média ninian, tenke ho aprezentasaun faktus la’ós espresaun opiniaun.

CI halo serbisu atu garante média-sira halo tratamentu justu ba kandidatu-sira, hanesan kandidatu prezidensiál.

Nia fó ezemplu katak, média tenke hatene  kandidatu-sira ne’e ninia rekursu atu ba kampaña ne’ebé la hanesan, nune’e mós partidu polítiku-sira tanba iha Parlamentu Nasionál iha asentu barak, entaun suvensaun ne’e mós barak, partidu foun sira laiha, entaun kobertura dala ruma média tenke tau atensaun.

Laiha mandatu espesiál ida atu CI halo intervensaun ba partidu polítiku-sira, buat ne’ebé CI halo intervensaun, barak liu ba públiku ne’ebé iha estatutu editoriál no konsellu redasaun.

Notísia relevante:Média tenke domina matéria no sistema eleitorál

Jornalista: Natalino Belo

Editór: Cipriano Colo

HAKEREK NO HATÁN

Please enter your comment!
Please enter your name here