Sekretáriu Estadu Kooperativa (SEKoop), Elizário Ferreira, no ekipa halo vizita ba konstrusaun sede kooperativa kréditu HJF, iha suku Tutuluro, kinta (29/07). Imajen TATOLI/Natalino Costa

MANUFAHI, 29 jullu 2021 (TATOLI)—Sekretáriu Estadu Kooperativa (SEKoop), Elizário Ferreira, ho ninia komitiva inklui membru kooperativa kréditu Hadomi Jerasaun Futuru (HJF), iha kinta dader maizumenus tuku 10:50, observa direta progresu konstrusaun sede kooperativa, ne’ebé hahú konstrusaun iha tinan 2020, iha suku Tutuluro, postu administrativu Same, munisípiu Manufahi.

Iha biban ne’e, Reprezentante no Tezoreiru kooperativa kréditu HJF, Armando Bento de Jesus, hateten, konstrusaun sede ne’e paradu durante fulan-neen tanba inundasaun ne’ebé akontese iha fulan-abríl liubá, hodi rezulta korrente mota tun, nune’e difikulta badaen sira labele tula rai-henek no fatuk hodi ultrapasa suku Tutuluro.

“Fundu ne’ebé ami tau iha relatóriu, iha fulan-neen ba kotuk hamutuk $19.000 resin no ami-nia membru kooperativa loloos iha 44 maibé membru haat sai no falta 40. Kooperativa ne’e harii iha loron 30 marsu 2012,” iha suku Tutuloro.

Nia esplika, kritériu atu sai membru kooperativa ne’e maka tenke hetan formasaun, hafoin implementa koñesimentu iha kooperativa.

“Kritéria atu sai membru maka individuu ne’e tenke hakbesik mai ami-nia kooperativa no na’in rasik hakarak atu sai membru, hafoin ami bele rejista nia hanesan membru, ho kontribuisaun osan inisiál hamutuk $40, ne’ebé $10 sai hanesan osan administrasaun, $25 hanesan osan obrigatóriu,” nia akresenta.

Jornalista : Natalino Costa

Editora      : Julia Chatarina

HAKEREK NO HATÁN

Please enter your comment!
Please enter your name here