Jogadór sentru juvenil. Imajen Tatoli/Hortencio Sanches

DILI, 29 jullu 2021 (TATOLI) – Koordenadór ba Sentru Juveníl Federasaun Futeból Timor – Leste (FFTL), Gaspar Quintão, informa fulan oin, FFTL  re-ativa treinamentu ba sentru juveníl iha Dili bainhira Governu hamamar serka sanitária.

“Ami sei hahú fali treinamentu ba juveníl sira iha fulan oin” Gaspar Qunitão, informa ba Agência Tatoli iha kampu FFTL, Dili, kinta ne’e.

Sentru juveníl iha Dili mak hanesan, sentru FFTL nian, sentru juveníl ne’ebé foin mak tama ba membru asosiasaun FFTL nian iha semana kotuk ne’ebé lidera hosi Prezidente Gregorio Correia, ida iha Comoro no iha Manleuana Fundasaun Real Madrid.

Iha sorin seluk Prezidente Sentru Juveníl, Gregorio Correia hateten, bainhira Governu hamamar ona serka sanitaria mak sei re-ativa hikas treinamentu ba labarik sira.

“Agora ita seidauk loke ba sira atu treinu, Governu hamamar ona serka sanitaria bele loke ona ba sira treinu, ita hein de’it. Labarik sira treinu iha Sentru Juveníl sira iha Dili laran besik 50-resin,” Gregorio Correia hateten.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here