Reprezentante Emaixadór Dezignadu sira, Karlito Nunes (daruak hosi liman-kuana). Imajen Tatoli/Evaristo Soares Martins.

DILI, 29 jullu 2021 (TATOLI)—Embaixadór na’in-tolu no enviadu espesiál ida hasoru malu ho Prezidente Parlamentu Nasionál, Deputadu Aniceto Longuinhos Guterres Lopes, molok arranka hala’o misaun Estadu nian iha rai-li’ur.

Notísia Relevante: Embaixadór dezignadu sei projeta Timor-Leste nia hanoin ba mundu

Embaixadór na’in-tolu no enviadu ida hasoru malu ho Prezidente Parlamentu Nasionál hodi esplika objetivu Estadu nian ne’ebé reprezenta hosi diplomata Timor-oan sira iha rai-li’ur.

“Ami (embaixadór) na’in-haat hasoru Prezidente Parlamentu Nasional antes ami dezloka ba nasaun ne’ebé mak destakadu atu halo misaun Estadu nian,” Reprezentante Embaixadór Dezignadu sira, Karlito Nunes, informa ba jornalista sira, iha Parlamentu Nasionál, kinta ne’e.

Nia dehan, objetivu hosi hasoru malu atu rona mós ideia hosi Prezidente Parlamentu Nasionál nune’e hala’o kna’ar Estadu nian ho di’ak.

“Klaru ke polítika negósiu ba estranjeiru ne’e kompeténsia Governu nian, maibé Parlamentu hanesan segundu orgaun Estadu Timor-Leste nian, entaun antes ami atu dezloka ba nasaun ne’ebé maka ami atu hala’o misaun ba, ami sei mai hasoru Prezidente Parlamentu Nasionál,” nia katak.

Nu’udar embaixadór presiza rona opiniaun hosi órgaun soberanu sira, nune’e hala’o kna’ar diplomátika ho di’ak.

“Antes ami dezkola ba iha nasaun seluk hodi hala’o misaun Estadu nian ho di’ak no promove ita-nia nasaun Timor-Leste iha mapa polítika internasionál. Iha pontu prinsipál balun mak prezidente temi katak agora daudaun ita iha hela situasaun pandemia COVID-19, entaun polítika nasaun no mundu nian hotu-hotu ko’alia kona-ba oinsá prevensaun pandemia COVID-19 no oinsá mak atu haree mós nia impkatu sira ba ekonomia sosiál,” nia subliña.

Embaixadór na’in-tolu kompostu hosi Embaixadora Extraordinária no Plenipotensiária Timor-Leste nian ba Nova Zelándia Felicidade de Sousa Guterres, Embaixadór Extraordinária no Plenipotensionáriu RDTL ba Cuba Eusébio Corsino de Araújo, Reprezentante Permanente RDTL iha Organizasaun Nasaun Unida (ONU), Karlito Nunes no Enviadu Espesiál com a categoria de Embaixador Itinerante RDTL ba Asuntu Klimátiku Adão Barbosa.

Notísia Relevante: Prezidente Repúblika fó pose ba embaixadór dezignadu sira

Jornalista : Evaristo Soares Martins

Editór       : Cancio Ximenes

 

HAKEREK NO HATÁN

Please enter your comment!
Please enter your name here