Diretór IDN, Pedro Klamar Fuik ho delegasaun hala’o enkontru ho Diretór Guarda Nasionál hosi Estado Rhode Island, Majór Aubin, iha auditória IDN Palásiu Governu. Imajen IDN.

DILI, 28 jullu 2021 (TATOLI)—Institutu Defeza Nasionál Timor-Leste (IDN-TL), sei serbisu hamutuk ho Estadu Rodhe Island ho world Colleague hosi Estadu Unidu Amérika (EUA), iha área formasaun no kapasitasaun, atu forma pensadór estratejia iha nasaun ne’e.

Kompromisu ne’e realiza liuhosi delegasaun TL State Parthership Programe (SSP) no Estadu of Rodhe Island hanesan Estadu amigu, parte ida hosi programa guarda nasionál EUA, ne’ebé xefia hosi Diretór Guarda Nasionál Estadu Rhode Isaland, Majór Aubin ho ekipa durante hala’o enkontru ho Diretór IDN, Donaciano Costa Gomes  ‘Pedro  Klamar Fuik’ iha edifísiu IDN.

Notísia relevante:Falur apresia ho graduadu CPOS hosi IDN-TL

“IDN sei estabelese kooperasaun ho Brown University no world Colleague, hanesan instituisaun ida  koñesidu iha  EUA no mós iha mundu. Ida-ne’e, ba ita onra ida, tanba bele serbisu hamutuk hodi apreende esperiénsia hosi sira, ho hanoin bele dezenvolve ita-nia institusaun rasik, forma pensadór estratéjika ne’ebé korresponde ho misaun IDN,” Pedro Klamar Fuik hateten liuhosi komunikadu ne’ebé Agência Tatoli asesu, kuarta ne’e.

Hahú 2010, Estadu harii  IDN  to’o ohin loron, realiza ona formasaun karreira ba ofisiál F-FDTL no PNTL no  50 kursu ofisiál superiór (CPOS), kursu pos-graduasaun ka mestadu ba kuartu edisaun ba pos gradusaun, 20 edisaun ba kursu Estadu maiór (CEMCI) ba ofisiál membru  PNTL ho F-FDTL, kursu profisionál hanesan kursu komplementár ba ajente Estadu-sira.

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here