Pasaporte komún ho pasaporte diplomátiku RDTL.

DILI, 28 jullu 2021 (TATOLI)—Trimestre daruak hahú hosi janeiru to’o juñu, Ministériu Justisa (MJ) liu hosi Diresaun Nasionál Rejistu Notariadu (DNRN), rekolla reseita $199.000 hosi serbisu emisaun pasaporte.

Osan ne’e mai hosi ema na’in 3.192 ne’ebé trata pasaporte durante fulan ne’en, hodi hatama reseita direta ba kofre Estadu.

Notísia relevante:Janeiru-marsu DNRN rekolla reseita $126.375

“Hosi númeru ne’e, iha sidadaun balun trata pasaporte komún, serbisu, diplomátiku no estranjeiru” Diretór Jerál Serbisu Rejistu Notariadu, Crisogno da Costa Neto, hateten ba jornalista Agência Tatoli, kuarta ne’e.

Antes ne’e, Diretór Nasionál Identifikasaun Sivíl no Rejistu Kriminál, Victor da Costa Neto, hateten reseita ne’ebé iha kompara ho reseita tinan 2019 tun makás liu, tanba normalmente reseita ne’ebé halo iha trimestre dahuluk iha periúdu normál laiha Estadu Emerjénsia (EE) rihun $500 to’o 600.

Primeiru tanba volume ema ladún barak, limite atendimentu no aviaun ladún semo atu atende viajen komérsiu, nune’e ema ladún trata pasaporte halo reseita tún.

DNRN loke serbisu atendimentu emisaun pasaporte iha munisípiu Dili, Bobonaro no Rejiaun Administrativa Espesiál Oe-cusse Ambeno (RAEOA).

Notísia relevante:Fulan tolu, DNRN prodúz BI 14.489

Jornalista: Nelson de Sousa

Editór: Cipriano Colo

HAKEREK NO HATÁN

Please enter your comment!
Please enter your name here