Imajen/STAE

DILI, 27 jullu 2021 (TATOLI)-Diretór Sekretariadu Tékniku Administrasaun Eleitorál (STAE) Munisípiu Aileu, Marcelino Sousa informa, janeiru to’o 26 jullu 2021 STAE Munisípiu Aileu rejistu eleitór foun hamutuk 803.

“Ami-nia dadus jerál hahú hosi 2019 mai to’o 2021 eleitór-sira hamutuk 33.362,” Marcelino Sousa informa ba Agência Tatoli liuhosi telefónika, tersa ne’e.

Aleinde ida ne’e sira ne’ebé troka data ka kartaun eleitorál tohar hamutuk 560, no eleitorál mate hamutuk 100, no kona-ba muda hela-fatin tinan ida ne’e Munisípiu Aileu laiha tanba ho situasaun COVID-19.

Difikuldade ne’ebé durante STAE Aileu enfrenta  kona-ba transporte, maibé iha semana kotuk halo ona manutensaun ba transporte, agora  daudaun ne’e sira-nia ekipa tun ba suku sira halo rekollamentu dadus eleitór mate, nune’e mós halo levantamentu ba sentru votasaun nian.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here