SEFOPE Viqueque sosializa lei traballu 4/2012 ba kompañia internasionál Grig-Covec ne’ebé responsabiliza konstrusaun estrada Baucau ba Viqueque. Imajen Tatoli/ Vitorino Lopes da Costa.

VIQUEQUE, 27 jullu 2021 (TATOLI)—Sekretária Estadu Formasaun Profisionál Empregu (SEFOPE), liu hosi Diresaun munisipál Viqueque, kontinua halo monitorizasaun no inspesaun kada fulan tolu ba kompañia internasionál  Grig-Covec hosi Xina ne’ebé responsabiliza konstrusaun estrada protokolu diresaun Baucau-Viqueque.

“Kada fulan tolu ami halo inspesaun ba kompañia ninia serbisu, hodi haree ba ekipamentu protesaun ne’ebé traballadór-sira uza iha fatin serbisu. Antes ne’e dala ruma kompañia kontra no la uza ekipamentu protesaun, maibé agora kumpri 85%,” Diretór SEFOPE Viqueque, Simões da Silva, hateten  ba jornalista Agência Tatoli, iha edifisiu  munisípiu Viqueque, Beloi, tersa ne’e.

Notísia relevante:UKL ba suku 11 iha Viqueque sei prosesa kuotasaun

SEFOPE sei kontinua halo inspeksaun ba atividade serbisu no kontinua halo sosializasaun koan-bá lei traballu atu kompañia sira tenke kumpri.

“Ami mós kontinua halo sosializasaun kona-bá lei traballu, esplika artigu 9 kona-bá kontrata traballadór sira, to’o artigu 12 iha lei traballu 4/2012, nune’e sir abele kumpre,” nia subliña.

Totál traballadór timor-oan ne’ebé serbisu iha kompañia internasasinál Grig-Covec hamutuk 130-resin tuir kategoria hanesan kondutór karreta, operadór eskapadór no seluk tan.

Diretór ne’e mós haktuir katak, parte kompañia internasionál  Grig-Covec prontu  koopera  atu kumpre lei traballu 4/2012 ne’ebé eziste iha Timor-Leste.

Jornalista: Vitorino Lopes da Costa

Editór: Cipriano Colo

HAKEREK NO HATÁN

Please enter your comment!
Please enter your name here