Rotunda Same Vila, Munisípiu Manufahi. Imajen/Espesiál

DILI, 27 jullu 2021 (TATOLI)-Administradór no Prezidente Konsellu Konsultivu Munisipál Munisípiu Manufahi, Arantes Isaac Sarmento, segunda (26/07), realiza enkontru ho Xefe Suku, lider partidu polítiku, intelektuál, postu administrativu, diretór servisu munisipál no diretór delegasaun territóriu hodi halo apresiasaun ba planu investimentu 2022.

“Reuniaun ida-ne’e atu haree planu investimentu 2022 nian ne’ebé prosesu hahú hosi suku mai iha administrativu sira. Membru Konsellu Konsultivu halo apresiasaun no hetan aprovasaun hosi Konsellu Koordenasaun Munisipál nian,” Arantes Isaac Sarmento, informa ba Agência Tatoli liuhosi telefónika, tersa ne’e.

Konsellu Konsultivu fó apresiasaun no aprovasaun ba planu investimentu 2022 tanba antes ne’e suku mai postu administrativu ne’e halo ona tais inisiál mak lori mai iha munisípiu prosesu halo matrís ka multisetorál hodi define periodate projetu planeamentu ne’ebé mak sei implementa iha 2022.

“Planeamentu investimentu ba 2022 ne’ebé fó ona apresiasaun no aprovasaun ne’e hamutuk  projetu 34 ho ninia orsamentu hamutuk $ 2.365.769,” nia hateten.

Nia afirma, hosi projetu proposta planu   investimentu 34 atu implementa 2022 ne’e ba iha setór sira hanesan, Servisu Agua Saneamentu (SAS), Obras Públika, Agrikultura, Saúde, Edukasaun, Turizmu, Sekretáriu Estadu Juventude no Desportu (SEJD), Sekretáriu Estadu Komunikasaun Sosiál no Ministériu Administrasaun Estatál.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here