Inan-faluk ho kondisaun defisiénsia, Teresinha Gusmão. Imajen Tatoli/Celestina Teles

COVALIMA, 26 jullu 2021 (TATOLI) – Raes Hadomi Timor Oan (RHTO) entrega ona   dokumentu-sira  inan-faluk ho kondisaun defisiénsia, Teresinha Gusmão (48) ba Ministériu Solidariedade, Sosiál no Inkluzaun  (MSSI) atu bele hetan subsídiu invalidés.

Notísia Relevante : Teresinha Gusmão, inan-faluk defisiente presiza ajuda

“Ami trata  ona  nia dokumentu sira hodi entrega ba MSSI nune’e nia bele sai benefisiáriu  ba subsídiu invalidés hosi  Governu,” pontu vokál RHTO Covalima , Rosito Amaral, informa ba jornalista iha ámbitu entrega dokumentu refere ba MSSI Covalima, segunda ne’e.

Bazeia ba diagnóstiku médiku nian hosi Ospitál Referral Covalima katak, inan-faluk  ho kondisaun   defisiente Teresinha Gusmão  iha kategoria  grau III.

Iha fatin hanesan diretór MSSI Covalima, Agapito Assis, konfirma katak MSSI Covalima simu ona  dokumentu inan-faluk ho kondisaun defisiénsia, Teresinha Gusmão (48) ne’ebé entrega hosi RHTO.

Molok ne’e, inan-faluk ho kondisaun defisiénsia, Teresinha Gusmão,  hetan ona apoiu nesesidade báziku hosi Rotarack Club  Of Covalima.

Notísia Relevante : Teresinha Gusmão hetan apoiu hosi grupu ROCCOV

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here