infesaun respiratóriu alta (IRA). Ilustrasaun/Google

DILI, 26 jullu 2021 (TATOLI)-Xefe Sentru Saúde Postu Administrativu Hatulia A, Munisípiu Ermera, José Martins informa, dezde janeiru to’o juñu 2021, Sentru Saúde Hatulia A rejistu moras ho númeru aas maka infesaun respiratóriu alta (IRA).

Notísia Relevante : Moras IRA domina iha HR-Covalima

“Janeiru-juñu 2021, Sentru Saúde Hatulia A rejista pasiente IRA hamutuk 3.986,” José Martins informa ba Agência Tatoli liuhosi telefónika, segunda ne’e.

Mora seluk ne’ebé rejista mós maka moras pulmaun iha pasiente 462, moras feto no mane nian (13), isin-katar (1.620), diarea ualu (8), azma (18), ipertensaun (21), defisiente mentál (17), pozitivu TBC na’in-neen (6) no rejénsia plasenta (partu iha uma) 21.

Nia hatutan, ema sira ne’ebé kauza moras IRA tanba dahuluk tempu klima, hanesan bailoron rai-rahun, ahi-su’ar, no komunidade maioria sei te’in uza ai-sunu, liuliu fatór importante mak ijiene pesoál.

Postu Administrativu Hatulia A, iha suku hitu (7) hanesan, Suku Ailelo, Aculau, Coilate-Letelo, Samara, Hatolia, Leima-Craik ho Samara.

Notísia Relevante : Postu Saúde Luga-Asa rejista pasiente IRA na’in-682

Jornalista   : Arminda Fonseca

Editór         : Francisco Simões

HAKEREK NO HATÁN

Please enter your comment!
Please enter your name here