Formandu foto hamutuk ekipa TIC Timor, I.P hafoin enserra formasaun no simu sertifikadu, iha salaun CFP, Comoro, sabadu (24/07). Imajen TATOLI/Francisco Sony

DILI, 24 jullu 2021 (TATOLI)Agência Tecnologia de Informação e Comunicação Timor, Institutu Públiku (TIC, Timor, I.P), fahe sertifikadu ba formadu sira ne’ebé konklui ona formasaun durante semana rua, iha área téknika informátika ne’ebé ligadu ba rede ho tema ‘Interconnection Nerworks Concept and Configuration of Network Devices’.

Formasaun hahú iha loron 12 jullu  no ramata horiseik 23 jullu, maibé ohin loron mak foin halo enserramentu.

Diretór Ezekutivu TIC Timor, I.P, Roberto Caetano de Sousa Vicente, entrega sertifikadu ba formandu, iha salaun CFP, Comoro, sabadu (24/07). Imajen TATOLI/Francisco Sony

“Ohin ita enserra programa formasaun ne’ebé TIC Timor oferese ba instituisaun Estadu 16 ho partisipante hamutuk na’in-24 no fahe sertifikadu,” Diretór Ezekutivu TIC Timor, I.P, Roberto Caetano de Sousa Vicente, hateten, liuhosi diskursu, iha salaun Centro Formação Polícia (CFP), Comoro, sábadu ne’e.

Notísia relevante: TIC Timor kapasita pesoál informátika hosi instituisaun Estadu 16

Formasaun ne’e foka ba konseitu interligasaun rede inklui halo konfigurasaun ekipamentu rede.

Diretór Ezekutivu TIC Timor, I.P, Roberto Caetano de Sousa Vicente. Imajen TATOLI/Francisco Sony

“Ha’u husu ba imi labele kontente ho saida mak durante formasaun imi aprende, maibé tenke konsidera hanesan bukae ida ba imi atubele buka hatene liután kona-ba informátika,” nia fó hanoin.

Diretór ne’e dehan, formasaun pesoál informátika ne’e sei la hotu iha ne’e, maibé hanesan pasu dahuluk hodi loke oportunidade ba formasaun tuir mai.

 “TIC Timor rasik harii ho nia kompeténsia ida atu fó formasaun ba pesoál téknika informátika sira iha instituisaun Estadu tomak,” nia hatutan.

Diretór Ezekutivu TIC Timor, I.P, Roberto Caetano de Sousa Vicente, hato’o diskursu iha seremónia eserramentu formasaun, iha salaun CFP, Comoro, sabadu (24/07). Imajen TATOLI/Francisco Sony

Iha fatin hanesan, Formandu, Tiago dos Santos Fernandes, hosi Ministériu Administrasaun Estatál (MAE) hosi Programa Nasionál Dezenvolvimentu Suku (PNDS), agresede no apresia hi inisiativa TIC Timor no buat ne’ebé sira aprende hosi bele kontribui ba servisu Governu.

“Buat ne’ebé mak ami hetan bele hasa’e koñesimentu no abilidade atu rezolve problema iha parte informátika iha serbisu fatin hetan,” nia akresenta.

Matéria ne’ebé aprende iha formasaun maka aplication network process, presentation data and encryption, session inter host communication, transport end to connections and reability, network, data link physical no seluk tan.

Jornalista : Arminda Fonseca

Editora     : Julia Chatarina

HAKEREK NO HATÁN

Please enter your comment!
Please enter your name here