UPF halo operasaun tama-sai ai-laran iha fronteira terrestres Bobonaro. Imajen Tatoli/Eugénio Pereira.

COVALIMA, 23 jullu 2021 (TATOLI) – Polísia Nasionál Timor-Leste (PNTL) Munisípiu Covalima ho FALINTIL-Forsa Defaza Timor-Leste (F-FDTL) destakadu iha fronteira terrestre Timor-Leste ho Indonézia pro-ativu halo kontrola ba movimentu abitante sira-nian hodi evita  haku’ur fronteira no halo atividade ilegál. 

“Ami kontinua fortifika rekursu sira hotu no autoridade seguransa destaka iha fronteira terrestre hanesan Unidade Patrullamentu Fronteira  (UPF) no FALINTIL-Forsa Defeza Timor-Leste (F-FDTL) kontrola ho rigór hodi evita abitante sira-nia movimentu no evita variante delta mai territóriu Timor-Leste liuhosi kontaktu abitante sira-nian iha fronteira terrestre,” Komandante PNTL  Munisípiu  Covalima, Superintendente  António Maria de Sá, informa ba jornalista iha Covalima,  sesta ne’e.

Maske parte seguransa hasoru difikuldade hanesan estrada no área fronteira ne’ebé luan ho  ekipamentu limitadu  maibé la’ós sai obstákulu boot ba parte seguransa sira atu hala’o nia obrigasaun hodi asegura seguransa iha liña fronteira terrestre sira.

 Jornalista  : Celestina Teles

Editór         : Francisco Simões

HAKEREK NO HATÁN

Please enter your comment!
Please enter your name here