Komandante PNTL Munisípiu Covalima, Superintendente António Maria de Sá. Imajen Tatoli/Celestina Teles

COVALIMA, 23 jullu 2021 (TATOLI) –  Komandu Polísia Nasionál Timor-Leste (PNTL) autoriza grupu CPD-RDTL hasa’e Bandeira Nasional iha loron nasionál maibé la autoriza hasa’e Bandeira CPD -RDTL iha Covalima.

Notísia Relevante : CPD-RDTL husu PNTL labele impede programa hasa’e bandeira iha Covalima

“Ha’u bolu sira CPD-RDTL hodi halo enkontru ho sira bele hasa’e bandeira nasionál iha loron nasionál  la’ós hasa’e bandeira arbiru de’it ,” Komandante PNTL  Munisípiu  Covalima, Superintendente  António Maria de Sá, informa ba jornalista iha Covalima,  sesta ne’e.

Atu komemora loron nasionál FALINTIL, 20 Agostu 2021, CPD-RDTL hasa’e bandeira nasionál iha fatin hanesan iha munisípiu, postu administrativu no suku-sira.

Porta-voz CPD-RDTL, Rosalino Cardoso, husu ba Polisia Nasionál Timor Leste (PNTL) labele impede programa CPD-RDTL atu hasa’e bandeira iha territóriu Covalima.

CPD-RDTL  FRETILIN Movimentu Unijma atu hasa’e bandeira iha territóriu Covalima  hodi  selebra loron FALINTIL,  20 agostu, tinan ne’e

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here