Administradór Munisípiu Manufahi, Arantes Isaac Sarmento. Imajen/Egas Cristovão

DILI, 23 jullu 2021 (TATOLI)-Ministru Administrasaun Estatál (MAE), Miguel  Perreira de Carvalho, sesta ne’e, konvoka reuniaun konsellu koordenasaun territoriál trimestrál (KKT) nian iha Munisípiu Manufahi.

Administradór Munisípiu Manufahi, Arantes Isaac Sarmento, informa ba Agência Tatoli liuhosi telefónika katak reuniaun KKT ne’e bazeia ba lei orgánika MAE nian iha termu artigu 16 dekretu lei númeru 53/2020 oinsá halo avaliasaun servisu ne’ebé ligasaun ho delegasaun kompeténsia tuir dekretu lei númeru 3/2016 haruka ba munisípiu sira.

“Reuniaun ne’e halo avaliasaun sira ne’ebé ligasaun ho delegasaun kompeténsia ba munisípiu sira,: Arantes Isaac Sarmento hateten.

Hosi reuniaun ne’e kada munisípiu aprezenta sira-nia rezultadu servisu tuir delegasaun kompeténsia ne’ebé iha hanesan kona-ba Obras Públiku, Água Saneamentu,  Asaun Sosiál, no seluk tan.

Entermu iha Manufahi raisk, Arantes Isaac Sarmento informa, halo sosializasaun ba vasina nian ne’ebé mak durante ne’e la’o hela, no antes ne’e Manufahi rasik deteta ema na’in-77 hetan pozitivu COVID-19 maibé ikus rekuperadu hotu.

Servisu Munisípiu Manufahi nian halo atendimentu ba iha saúde primária iha Manufahi, halo atendimentu voluntáriu no planu SISKA ne’ebé hala’o ba komunidade ho susesu.

“Dezafiu ba munisípiu nian mak ha’u hanoin delegasaun kompeténsia ne’ebé mak tau iha dekretu lei númeru 3/2016. Iha delegasaun kompeténsia ne’e, dezafiu ba programa vijilánsia sanitáriu rasik to’o agora maske iha dekretu lei 3/2016, artigu 8 númeru 1 fó kompeténsia mai iha munisípiu maibé ninia implementasaun Ministériu Saúde seidauk fó kompeténsia munisípiu,” nia hateten.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here