Vendedór sira fa’an produtu agíkola iha merkadu Manleuana, kuarta (21/07). Imajen TATOLI/António Gonçalves

DILI, 23 jullu 2021 (TATOLI)–Ministériu Finansa liuhosi Diresaun Jerál Estatatístika lansa presentajen Índese Presu Konsumidór (IPK) mensál ba grupu hotu ne’ebé sa’e ba +0,1% iha fulan-juñu, kompara ba maiu sa’e de’it (+0,5%). 

“Mudansa presu grupu hotu (+0,1%) tanba hetan kontribuisaun hosi grupu hahán no bebidas la’ós alkólika (+0,1%), transporte (+0,8%), no álkool no tabaku (+0,1%), grupu hatais no sapatu (-0,1%) sai hanesan mudansa kontráriu ba inflasaun grupu hotu,” refere nota ne’ebé Agência TATOLI asesu, iha kinta ne’e.

Hahán no bebidas la’ós alkólika sa’e tanbá hetan impaktu maioria hosi sub-grupu foos (+0,5%), mina no bokur (+0,6%), paun no seréal (+0,1%), inklui ai-fuan (+0,9%).

Susu-been, keiju no manu-tolun (-0,4%), modo tahan (-0,1%), masin midar, marmelada, baniben, coklate no hahán midar (-0,1%), na’an (-0,2%), no produtu ai-han (-0,3%) sai hanesan mudansa kontráriu ba inflasaun grupu hahán no bebida la’ós alkólika.

Mudansa persentajen IPK anuál sa’e (+3,6%) kompara entre fulan-juñu 2021 ho fulan-juñu 2020, ne’ebé hetan kontribuisaun hosi grupu hahán no bebidas la’ós alkólika (+5,9%), álkool no tabaku (+6,9%), transporte (+2,2%), uma (+0,5%) no roupa no sapatu (+0,1%).

Ekipamentu no manutensaun mobiliáriu uma-laran (-1,2%), komunikasaun (0,1%) no rekreasaun no kultura (-0,3%) sai hanesan mudansa kontráriu ba anuál juñu 2021.

Inflasaun Tradeable sa’e (+0,2%) no Non-Tradeable sa’e (+0,1%) iha mensál kompara entre fulan-juñu 2021 ho fulan-maiu 2021.

Inflasaun Tradeable sa’e (+4,5%) no Non-Tradeable sa’e (+2,1%) iha anuál kompara entre fulan-juñu 2021 ho juñu 2020.

Jornalista : Florêncio Miranda Ximenes

Editora     : Julia Chatarina

HAKEREK NO HATÁN

Please enter your comment!
Please enter your name here