Ministra Saúde, Odete Maria Freitas Belo ho Diretór Ezekutivu TIC Timor, I.P, Roberto Caetano de Sousa Vicente, asina nota entendimentu iha Covalima, kinta (22/07/2021). Imajen Tatoli/Celestina Teles

COVALIMA, 22  jullu 2021 (TATOLI)-Ministra  Saúde (MS), Odete Maria Freitas Belo ho Diretór Ezekutivu Ajénsia Tecnologia da Informação e Comunicação (TIC) TIMOR I.P, Roberto Caetano de Sousa Vicente, kinta ne’e, iha Camanasa, Covalima, asina nota entendimentu atu fasilita servisu no asegura dadus hosi Ministériu Saúde nian.

“Ministériu Saúde atu loke sítiu ka webside  hodi asegura dadus MS nian tanba durante ne’e MS uza internet privadu ne’ebé mak la asegura dokumentu sira hosi MS,” Ministra Saúde, Odete Maria Freitas Belo, informa ba jornalista hafoin asina nota entendimentu ho TIC Timor iha Kampu Ladi, Suku Camanasa, Covalima, kinta ne’e

Iha sorin seluk,  Diretór  Ezekutivu TIC Timor, Roberto Caetano de Sousa Vicente hateten, asina nota entendimentu ho Ministériu Saúde hodi formaliza  de’it relasaun  ne’ebé durante ne’e la’o tiha ona.

“MS hanesan kliente hosi  TIC Timor I.P,  iha tinan 2018  ami fornese e-mail ofisiál  ho servisu sira seluk. Ho nota ne’e, ami alarga tan postu prinsipál sira,” Roberto  Caetano de Sousa Vicente hateten.

Prontu prinsipál  lima maka sai fundamentasaun hosi akordu entendimentu ne’e maka hanesan ajuda MS ajuda sira hodi dezenvolve fali website foun,  garante seguransa ba asesu, rai MS sira-nia dadus, fó treinamentu ba pesoál IT iha MS  no fó apoiu ba MS hosi dezenvolve aplikasaun sira ne’ebé MS presiza hosi hala’o sira-nia servisu.

 Jornalista      : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here