Ekipa AS Ponta Leste. Imajen/Espesiál

DILI, 21 jullu 2021 (TATOLI) – Sekretáriu Jerál klube Primeira Divizaun Liga Futeból Timor-Leste (LFTL), AS Ponta Leste Gregório Correia, hateten klube ne’ebé sira lidera prontu kompete kualkér jogu ne’ebé organiza hosi Federasaun Futeból Timor-Leste (FFTL) no LFTL.

“Ami Ponta Leste  prontu partisipa no kompete iha kualkér jogu nasionál,” Gregório Correia informa  ba Agência Tatoli iha Dili, kuarta ne’e.

Nia dehan, Ponta Leste nia jogadór besik na’in hitu (7) joga iha selesaun nasionál. Tanba ne’e iha konfiansa sira hodi kompete iha jogu ne’ebé sei hala’o agostu mai ne’e. Nune’e, total jogadór iha Ponta Leste na’in-23.

Ekipa Karketu Dili FC. Imajen/Mídia LFA

Iha sorin seluk, jerente klube Primeira Divizaun Karketu Dili FC, Venâncio Gonçalves Martins hateten kona-ba jogu sira hotu i preparadu hodi kompete.

“Ami estrutura hala’o enkontru dala rua  no ami prontu atu partisipa iha jogu sira ne’e,” nia hateten.

Karketu Dili FC sei mantein hela jogadór anteriór no planu ba oin sei rekruta tan jogadór foun balu hodi kompleta ema na’in-23.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here