Ministru Negósiu Estranjeiru no Kooperasaun, Dionísio da Costa Babo Soares. Imajen Tatoli/António Gonçalves

DILI, 18 jullu 2021(TATOLI)—Partidu Kongressu Nasionál Rekonstrusaun Timorense (CNRT sígla portugés), sei anunsia ninia kandidatura Prezidente Repúblika (PR) ba periúdu 2022-2027 liuhosi konferénsia iha tempu badak.

“Konferénsia nasionál CNRT mak sei deside, se mak merese ba kandadatura atu sai Prezidente Repúblika. Bele maun Xanana, bele ema seluk iha CNRT laran,” Prezidente Konsellu Diretiva Nasionál CNRT, Dionísio Babo, hateten lia hirak ne’e durante konsolidasaun ne’ebé hala’o iha Manleuna, domingu ne’e.

Notísia relevante:STAE-CNE lansa resensiamentu eleitorál ba preparasaun eleisaun prezidensiál 2022

Dionísio Babo espera katak, iha koferénsia ne’e mós sei halo re-estruturasaun ba estrutura postu administrativu ho munisípiu.

Tuir nia, CNRT sempre hanoin atu kandidata ema seluk atu avansa ba eleisaun Prezidensiál, maibé sempre bazeia ba Prezidente atuál Kay Rala Xanana Gusmão, nu’udár sentru ba unidade nasionál.

Jornalista: Natalino Costa

Editór: Cipriano Colo

HAKEREK NO HATÁN

Please enter your comment!
Please enter your name here