Postu Administrativu Maubisse, Munisípiu Ainaro. Imajen/Google

DILI, 16 jullu 2021 (TATOLI)-Família uma-kain 325 hosi Aldeia Ernaro, Koto Mata, Hautei no Hautilo  iha Suku Manelobas, Postu Administrativu Maubisse, Munisípiu Ainaro, seidauk asesu eletrisidade.

Xefe Suku Manelobas, Domingos de Andrade, informa  dezde Timor restaura nia ukun rasik an, 20 maiu 2002 to’o mai ohin loron komunidade Manelobas seidauk bele asesu ba liña eletrisidade.

Ba Agência Tatoli liuhosi telefónika, sesta ne’e, Domingos de Andrade informa komunidade hosi uma-kain 325 iha Suku Manelobas ne’ebé seidauk asesu eletrisidade ne’e iha tempu kalan sira ne’ebé iha osan uitoan sosa solar panel, maibé sira ne’ebé osan laiha uza kamii sunu iha tempu kalan, tanba populasaun maioria moris ho agrikultura.

Komunidade suku refere mós enfrenta difikuldade kona-ba estrada ne’ebé kondisaun aat tebes difikulta sira atu lori sira-nia produtu lokál ba iha merkadu Ainaro Vila.

Suku Manelobas iha produtu lokál hanesan kafé, fehuk-roupa, koto ne’ebé kada tinan, agrikultór-sira sempre prodús ho kuantidade ne’ebé boot, maibé sira-nia difikulta boot maka kondisaun estrada.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here