Sekretáriu Estadu Juventude no Desportu, Abrão Saldanha. Imajen SEJD/Dok.

AILEU, 15 jullu 2021 (TATOLI) – Sekretáriu Estadu Juventude no Desportu (SEJD), Abrão Saldanha, kongratula  Funsionáriu Públiku hotu iha Timor-Leste ba selebrasaun aniversáriu Funsionáriu Públiku (FP) ba dahituk.

“Parabéns ba imi Funsionáriu Públiku hotu iha Timor-Leste, espesiál iha Aileu, ohin loron espesiál ba imi hotu,” Abrão Saldanha hateten iha Aileu, kinta ne’e.

Iha biban ne’e Funsionáriu Públiku hosi Sekretáriu Estadu Meu Ambiente Munisipiu Aileu, Domingos da Costa ho Beldamira de Araújo nu’udar funsionáriu públiku hosi SEJD Aileu, espera sira-nia laran haksolok tanba Estadu bele rekoñese funsionáriu públiku nia kontribuisaun hodi define loron espesiál ida ba Funsaun Públiku.

“Hanesan Funsionáriu Públiku sente kontente ba loron ida ohin, maski iha situasaun barak ita liu ona, maibé atendimentu ami nian ba públiku ne’e lao nafatin la hare ba saida de’it maibé hare de’it atendimentu públiku nian,” nia dehan.

“Funsionáriu Públiku nu’udar servidór Estadu. Ha’u rasik kontente bele hola parte nu’udar elementu ida hosi funsionáriu públiku,” Beldamira de Araújo hateten.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here