Ministru Ensinu Superiór, Siénsia no Kultura (MESSK), Longuinhos dos Santos. Imajen Tatoli/Egas Cristóvão

DILI, 14 jullu 2021 (TATOLI) – Ministru Ensinu Superiór, Siénsia no Kultura (MESSK) Longuinhos dos Santos, garante semana oin prosesu pagamentu injesaun propina bá estudante universitáriu iha Instituisaun Ensinu Superiór Públiku no Privada hahú ona.

“Ha’u fiar katak semana ida bá oin pagamentu injesaun propina bá estudante universitáriu sira hahú ona,” Ministru Longuinhos dos Santos, hateten bá jornalista sira hafoin remata enkontru Konsellu Ministru iha Palásiu  Governu, kuarta ne’e.

Estudante universitáriu hotu hosi Instituisaun Ensinu Superiór Públiku no pPivadu sira ninia dokumentu iha hotu ona Ministériu Finansas. Ne’ebé Ministériu Ensinu Superiór garante katak la kleur tan prosesu pagamentu sei realiza.

Magnífiku Reitór Dili Institute of Technology (DIT), Alvaro Menezes, afirma katak sira preparadu ona atu hahú prosesu ensinu aula prejensiál tanba DIT kompleta ona vasinasaun segundu doze bá dosente na’in—200.

”Bainhira de’it mak Governu liuhosi Ministru Ensinu Superiór, Siénsia no Kultura re-ativa prosesu aula prejensiál ita iha instituisaun ensinu superior privadu ne’e preparadu ona.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here