Vise-MEJD, António Guterres partisipa serimónia graduasaun ba estudante finalista iha Ensinu Pré-Eskolár Hendricus Leven Bairru-Pité, Dili, foin lalais ne’e. Imajen Tatoli/Tomé Amado.

DILI, 14 jullu 2021 (TATOLI) – Ministériu Edukasaun, Juventude no Desportu (MEJD), kinta aban (15/07), sei anunsia  re-ativa ensinu aprendizajen prejensiál bá eskola sira iha Dili.

Vise-Ministru Edukasaun Juventude no Desportu (MEJD), António Guterres informa katak aban sira sei realiza reuniaun ikus ho dirasaun sira hotu atu anunsia prosesu re-ativa eskola ne’ebé hahú iha loron 19 jullu mai ne’e.

Dadus ikus MEJD simu hosi dirasaun edukasaun Munisípiu Dili hatudu katak eskola 99 mak preparadu ona atu partisipa iha prosesu ensinu aprendizajen aula prejensiál, inklui eskola internasionál no mós eskola privadu sira.

“Ita iha totál eskola edukasaun pre-eskolár to’o ensinu sekundáriu jerál tékniku vokasionál iha Dili hamutuk 197. Maibé dadus, ami simu ona hosi Dirasaun Edukasaun Munisípiu Dili purvolta eskola 99 maka preparada ona,” nia tenik.

Totál profesór iha Dili ne’ebé dirasaun edukasaun Dili informa iha 3.153. maibé profesór ne’ebé simu ona vasinasaun foin mak atinje 1.498 portantu sei falta profesór 1.655 mak seidauk vasina.

Diretór Interinu Eskola Ensinu Báziku Sentrál (EBC) Sergio Viera de Melo, Afonso Soares relata katak eskola Sergio de Melo iha ona faze preparasaun intermu programa vasinasaun bá profesór sira, inklui limpeza eskola no instalasaun fasilidade prevensaun COVID-19 bá estudante no profesór sira.

Jornalista : Tomé Amado

Editór      : Francisco Simões

HAKEREK NO HATÁN

Please enter your comment!
Please enter your name here