Administradór Munisípiu Manufahi, Arantes Isaac Sarmento. Imajen/Egas Cristovão

DILI, 14 jullu 2021 (TATOLI)-Administradór Munisípiu Manufahi, Arantes Isaac Sarmento, informa loron 20 jullu ne’e, grupu arte marsiál no arte rituál iha Munisípiu Manufahi sei halo limpeza iha Postu Administrativu Same.

Arantes Isaac Sarmento, esplika objetivu hosi GAM halo atividade sosiál limpeza ne’e tanba bazeia bá orientasaun  Sekretáriu Estadu Juventude no Desportu nian mai iha Komisaun Reguladór Arte-Marsiál (KRAM) nasionál mai iha Munisípiu Manufahi, tersa horiseik (13/07), hodi halo enkontru ida ho komunidade no Polísia Nasionál Timor-Leste (PNTL), Administradór Postu Administrativu-sira no xefe suku sira.

“Hosi ami-nia enkontru ne’e programa bá atividade mak kona-bá planu Governu nian atu reativa arte marsiál, dahuluk liuhosi organiza arte marsiál ba iha atividade sosiál hodi hametin estabilidade seguransa nian,” Arantes Isaac Sarmento informa bá Agência Tatoli liuhosi telefónika, kuarta ne’e.

Nia dehan, liuhosi atividade sosiál ne’ebé GAM iha Munisípiu Manufahi halo hahú hosi konsolida halo atividade limpeza, atividade misa, no halo atividade ne’ebé bele ajuda komunidade, nune’e fó espasu di’ak bá komunidade katak arte marsiál la’ós de’it mak kria problema.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here