Ró Haksolok.Imajen ZEESM/dok

OÉ-CUSSE, 13 jullu 2021 (TATOLI)—Prezidente Autoridade Rejiaun Administrativa Espesiál Oé-Cusse Ambeno (RAEOA), Arsénio Paixão Bano, hateten Parlamentu Nasionál aprova OJE 2021 ba Ró Haksolok ho montante millaun $14 maibé osan ne’e autoridade seidauk gasta tanba sei iha faze negosiasaun.

Notísia Relevante: PN aprova millaun $127 ba RAEOA inklui millaun $14 finaliza Ró Haksolok

“Ró Haksolok autoridade nafatin halo esforsu. Osan ne’e, autoridade sei la selu ba ema ida bainhira negosiasaun ne’e sedauk to’o nia rohan. Ha’u kuandu hateten negosiasaun ne’e sei la’o hela, ema hanoin katak ne’e osan segredu mais lae. Osan ba projetu ida-ne’e seidauk ezekuta. Ami foin mak halo negosiasaun dalaruma atraza uitoan tanba pandemia COVID-19,” Prezidente Autoridade RAEOA informa ba Agência Tatoli, iha nia servisu fatin, bairru Oé-Bau, Oé-Cusse, tersa ne’e.

Kestaun Ró Haksolok, nia dehan, autoridade RAEOA tau ona iha ajenda prinsipál tanba autoridade halo esforsu katak osan ne’ebé mak Parlamentu Nasionál aprova ona, oras ne’e sei iha hela autoridade.

Nia dehan, to’o agustu no setembru tinan ne’e, ema sei hatene kestaun Ró Haksolok ne’e tanba ho tulun hosi prezidente autoridade primeiru ho Guvernu sentrál, la’ós de’it ko’alia atu asegura Ró Haksolok maibé ko’alia mós ba investimentu seluk hanesan transporte maritima Oé-Cusse-Dili, estaleiru no funsionamentu aeroportu nian.

Maske pandemia COVID-19 maibé nu’udár Prezidente Autoridade garante katak 100% kontinua servisu atu hetan solusaun ba Ró Haksolok ne’e. 

Notísia Relevante: Proposta ko’a osan Ró Haksolok la pasa

Jornalista : Abilio Elo Nini

Editór       : Cancio Ximenes

HAKEREK NO HATÁN

Please enter your comment!
Please enter your name here