Nuu-isin ho nia kakun. Imajen/Google

COVALIMA, 13 jullu 2021 (TATOLI)-Grupu haklibur kaduta  Covalima transforma nuu nia kakun sai pasta, bikan, buli no seluk tan.

“Ami kria  grupu ida-ne’e ho objetivu atu kria kampu servisu ba ami an rasik no  bá joven sira iha Munisípiu Covalima,” Jestór programa grupu kaklibur kaduta, Fernanda da Costa de Oliveira, informa bá Agência Tatoli iha Suku Suai Loro, Covalima, tersa ne’e.

“Kriatividade ida ne’e atu promove eransa bei-ala sira husik mai ita,  tanba agora ita haree nuu kakun ema  soe arbiru de’it,” Frernanda hateten.

Grupo haklibur  kaduta forma iha tinan 2003 ho nia membru na’in-20 kompostu hosi feto na’in-10 no mane na’in-10

Iha sorin seluk, Prezidente sentru Komunitária Aprendizajen Mosu, Zeferino reforsa ho grupu ida-ne’e sei loke kampu servisu. Nune’e, diretór Servisu Munisipál Seguransa Alimentár (SMSA), Reinaldo Moniz, identifika ona grupu 20 iha Munisípiu Covalima ne’ebé transforma produtu lokál bá fasilidade koziña.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here