Diretór Servisu Agrikultór munisípiu Baucau, Moises Lobato Pereira. Imajen TATOLI/Natalino Belo

BAUCAU, 13 jullu 2021 (TATOLI)–Diretór Servisu Agrikultór munisípiu Baucau, Moises Lobato Pereira, konsidera implentasaun Cesta Bazika bele motiva agrikultór halai natar.

“Baucau tinan ne’e aumenta área kultiva maka’as, parese iha hanoin hosi agrikultór sira liga ba Cesta Bázika, tamba ita haree iha fatin balun produsaun maka’as no Sentru Lojístika Nasionál (CLN, sigla portugés) sosa ho presu di’ak. Tanba ne’e, bele motiva agrikultór sira iha tinan ne’e halo moris fali ho natar ne’ebé mak tinan 10 resin ona abandonadu,” Diretór informa iha ninia knaar fatin, Villa nova, tersa ne’e.

Notísia relevante: Área kultivasaun tinan ne’e sa’e ba ektare 24.500

Fatin sira hanesan iha Laga bá Baguia hahú hosi Atelari, Seiçal, no Kaibada tinan barak ona mak agrikultór sira abandona natar, maibé ho ho Cesta Bázika agrikultór sira halo fali natar.

Daudaun ne’e, agrikultór Baucau kolleta époka daruak iha Larisula pur volta ektare 350 no Uakala baliza ho Iliomar ektare 50 tama faze viveiru no kuda.

Iha Seiçal, Kaibada makasae ho Buruma, daudaun tama ona ba faze reprodutivu no kontinua kuda, enkuantu iha Venilale-Waioli hahú tama ba kollea époka daruak pur volta ektare 500 no Samalari, Uailili no Buibau iha sabeliu pur-volta ektare 80, Vemasse ektare 20 tama ona prosesu ba faze vibeirus no balun komesa kuda.

“Ami iha ona planu loron 22 jullu presiza Ministru Agrikultura no Peska nia prezensa atu mai halo kolleta ba époka daruak,” Moises Lobato akresenta.

Jornalista : Natalino Belo

Editora     : Julia Chatarina

HAKEREK NO HATÁN

Please enter your comment!
Please enter your name here