Diretora Ezekutiva Laboratoriu Nasional Endang Soares da Silva. Imajen /Egas Cristovão

DILI, 12 jullu 2021 (TATOLI)—Diretora Laboratóriu Nasionál Saúde, Endang Soares, hateten Timor-Leste (TL) konsegue trava virus variante Delta B.1.6.7.1.2 (Indian Variant) iha kuarentena, no seidauk iha evidénsia katak, akontese transmisaun iha komunidade.

“TL detekta duni variante Delta B.1.6.7.1.2 (Indian Variant) iha kuarentena, maibé seidauk iha evidénsia forte katak, akontese transmisaun iha komunidade,” Endang Soares, hateten ba jornalista-sira, iha salaun Institutu Nasionál Saúde, Comoro, segunda ne’e.

Notísia relevante:Covalima hahú sensibilizasaun kona-bá variante delta

Nia konta tuir katak, pasiente ne’ebé detetadu pozitivu variante delta, tama TL iha 22 abríl no detetadu pozitivu iha kuarentena, ekipa evakua kedan ba izolamentu atu hala’o tratamentu, maibé kondisaun grave, nune’e evakua kedan ba rai-liur.

Iha fatin hanesan, Koordenadór Forsa Tarefa ba Prevensaun Mitigasaun Surtu COVID-19 iha TL, Rui Maria de Araújo, hateten Laboratóriu Nasionál Saúde hala’o serbisu hamutuk ho Doherty Institute iha Melbourne, Austrália, hodi halo teste genotipagem ba swab pozitivu COVID-19, atu buka-tuir evidénsia hosi variante foun.

Tanba ne’e, rezultadu prelimináriu hosi teste lubuk ida foin lalais ne’e, hatudu katak, iha kazu ida mak hetan variante Delta COVID-19, ne’ebé diagnostikadu hosi ema ida ne’ebé viajen fila mai TL no hela iha kuarentena, iha 22 abríl 2021.

Individu ne’e nafatin hela iha izolamentu no konsege trata no halo kontrolu ba infeksaun nian ne’ebé apropriadu laiha evidénsia ba transmisaun adisionál hosi variante Delta ida-ne’e iha komunidade.

Nia hatutan, oras-ne’e daudaun kontinua iha transmisaun hosi variante Delta ne’e iha nasaun barak iha mundu tomak.

Jornalista : Felicidade Ximenes

Editór : Cipriano Colo

HAKEREK NO HATÁN

Please enter your comment!
Please enter your name here