Pesoál saúde sira halo swab teste ba komunidade sira iha SIJK, segunda, 12/7/2021. Imajen Tatoli/António Gonçalves

COVALIMA, 12 jullu 2021 (TATOLI) – Servisu Saúde (SS) Munisípiu Covalima identifika ona aldeia 18 iha Covalima presiza duni  halo divulgasaun bá komunidade  kona-bá variante delta.

“Ami halo ona enkontru no orienta ona bá responsavel sira iha sentru saúde, preparasaun presiza atu halo planu,” Diretór Servisu Saúde Munisípiu Covalima, Filipe Pereira Lemos, informa bá jornalista iha nia servisu fatin iha Covalima, segunda ne’e.

Peste letál variante delta ne’e bá dahuluk da’et iha India no komesa sai  ona preokupasaun ba mundu no konsege nakda’et mai to’o ona iha nasaun viziñu Indonézia.

“Ita-nia preparasaun mak ami hahú halo enkontru atu halo sensibilizasaun bá komunidade iha área fronteira aldeia 18 ne’ebé  ami define ona. Komunidade sira iha konsiénsia rasik atu simu vasina nune’e ita proteje sira liuhosi hasa’e imunidade,” Filipe hateten.

Xefe Sentru Saúde Postu Fatululik, Munisípiu Covalima, José da Cruz  hateten, pesoál saúde iha sentru saúde Postu Fatululik halo ona sensibilizasaun ka divulgasaun bá komunidade kona-bá variante delta.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here