Estudante Ensinu Sekundáriu Jerál Suai, Covalima. Imajen Tatoli/Celestina Teles

COVALIMA, 12  jullu 2021 (TATOLI)- Estudante sira Eskola Sekundária Jerál (ESJ) Suai, Munisípiu Covalima, segunda ne’e, hahú ona sira-nia ensinu aprendizajen prejensiál.

Notísia Relevante : ESJ Suai suspende ensinu aprendizajen prejensiál

Bainhira ekipa Saúde Munisípiu Covalima, identifika pasiente pozitivu COVID-19   iha Covalima, semana rua liubá, inklui profesór balun hosi eskola refere mós hetan pozitivu, maka Diretór ESJ suspende kedas atividade ensinu prejensiál.

Diretór ESJ Suai, Francelino Catvalho Freitas. Imajen Tatoli/Celestina Teles

“Ami suspende eskola prezensa besik semana rua, ohin, eskola deside hahú aula prezidensiál tanba professor na’in-lima (5) pozitivu COVID-19 rekuperadu ona, mezmu balun seidauk,” Diretór ESJ Suai, Francelino Freitas Carvalho, ba jornalista iha nia kna’ar fatin.

Maske eskola kria ona kondisaun  ijiene hanesan bee-moos, sabaun no máskara, maibé eskola la garantia estudante sira kumpre distánsia sosiál tanba númeru estudante barak liu, purvolta ema na’in-2.175 no profesór na’in-85.

“Ha’u rasik kontaktu ona ho responsavel ekipa saúde nian atu kria sentru vasina, maibé servisu saúde husu eskola presiza prepara  lista,” Francelino Freitas Carvalho hateten.

Hosi sorin seluk, Diretór Servisu Saúde Munisípiu Covalima, Filipe Pereira Lemos, hateten servisu saúde Munisípiu Covalima simu ona kontaktu hosi diretór ESJ Suai atu estabelese sentru vasina iha eskola sira maibé presiza iha lista.

“Ami seidauk simu lista hosi eskola ESJ Suai kona-bá profesór na’in 85 ne’e, na’in hira mak simu ona vasina. Se profesór na’in-20 maka simu ona vasina, ami bele estabelese postu vasina hodi halo atendimentu bá sira,” Filipe Pereira Lemos informa.

Dadus hosi servisu saúde Covalima, durante ne’e iha faze primeiru simu vasina vial 643 ba faze daruak vial 50 ba faze da toluk simu vial 700 no daudaun ne’e sei iha vial 600-resin.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here