Logotipu TLCE

DILI, 09 jullu 2021 (TATOLI) – Timor-Leste Coalition for Education (TLCE) konkorda ho desizaun Ministériu Edukasaun, Juventude no Desportu (SEJD) atu re-ativa ensinu aprendizajen prejensiál hahú loron 09 jullu 2021.

Koordenadór TLCE, José Monteiro, fó razaun katak TLCE apoiu MEJD nia desizaun ne’e tanba dadus hosi Sentru Integradu Jestaun Krize (CIJK) hatudu mudansa pandemia COVID-19 iha Timor Leste komesa tuun ba beibeik.

“Ami haree tempu to’o ona. Tanba kleur ona ita-nia estudant- sira mós la eskola, kuandu situasaun hanesan ne’e kontinua alastra beibeik bele afeta bá kalendáriu akadémiku no implementasaun kurríkulu,” José Monteiro hateten ba Agência iha nia serbisu fatin iha Dili, sesta ne’e.

Nia esplika eskola ne’ebé iha ona preparasaun di’ak bazeia bá rekejitu no padraun SIJK bele hahú re-ativa ona. Bá eskola ne’ebé seidauk iha preparasaun di’ak tenke hein lai bainhira iha ona preparasaun di’ak mak bele re-ativa.

Molok ne’e, Ministru Edukasaun Juventude no Desportu (MEJD), Armindo Maia, relata katak daudaun ne’e Dirasaun Servisu Edukasaun Munisípiu Dili hahú prepara daudaun kondisaun atu re-ativa eskola iha Dili.

“Ha’u ezije bá SEMD tenke re-ativa eskola 150, tan ne’e ha’u husu ona ba sira atu halo preparasaun di’ak liután tanba eskola iha Dili purvolta 180 entaun tenke  re-ativa másima,” Armindo Maia hateten.

Nia esplika informasaun ne’ebé tama hateten katak eskola iha Dili lubuk ida mak atinje ona 80% bá leten. Ministériu nia esforsu maka kontinua monitoriza hodi identifika preparasaun eskola-sira nian.

Jornalista : Tomé Amado

Editór       : Francisco Simões

HAKEREK NO HATÁN

Please enter your comment!
Please enter your name here