Ekipa Vizilansia Ministériu Saúde rejista rejista abitante sira iha testa screening masal iha Postu Postu Administrativu Fatululik, Covalima. Imajen Tatoli/Dok

COVALIMA, 09 jullu 2021 (TATOLI)-Komunidade Suku Fatululik, Postu Administrativu Fatululik, Munisípiu Covalima, sujere ba Governu atu bele fasilita rede telekomunikasaun iha sira-nia área.

Ami sujere ba Governu atu aselera lalais situasaun ida-ne’e tanba difikulta atu bele fasilita ami asesu ba rede telekomunikasaun,” Orlando da Cruz, nu’udar juventude  Fatululik informa ba Agência Tatoli iha postu Fatululik, sesta ne’e.

Nia dehan, iha era dijitalizasaun ne’e, komunikasaun sai ona hanesan nesesidade importante atu bele komunika malu no liuhosi rede telekomunikasaun bele fasilita juventude sira asesu ba internet.

Iha fatin hanesan Xefe Suku Fatululik, Carlos Mendonça, reforsa povu hela iha Suku Fatululik lá iha rede internet no telekomunikasaun, tanba ne’e presiza duni atensaun hosi Governu, liuliu ministériu relevante.

“Ha’u husu ba Governu tenke tau atensaun no aselera lalais ba problema ida ne’ebé mak oras ne’e daudauk povu enfrenta,” Carlos Mendonça hateten. Suku Fatululik kompostu hosi tolu, hanesan Aldeia Aí toun, Beidasi no Beco.

Jornalista       : Celestina Teles

Editór             : Francisco Simões

HAKEREK NO HATÁN

Please enter your comment!
Please enter your name here