Diretora Servisu MAP munisípiu Ainaro, Natalia de Orleans Amaral. Imajen TATOLI/Natalino Costa

AINARO, 09 jullu 2021 (TATOLI)-Diretora Servisu Ministériu Agrikultura no Peska (MAP) munisípiu Ainaro, Natalia de Orleans Amaral, hateten, iha ona hanoin atu fó leilaun tratór haat  ba públiku sira ne’ebé iha interese atu sosa tanba kustu manutesaun maka’as tebes.

“Daudaun tratór boot iha unidade 15, maibé haat agora tama ba leilaun ho razaun tanba ninia durante ne’e kustu manutensaun kustu,” Diretora informa iha ninia knaar fatin, MAP Ainaro, sesta ne’e.

Inisiativa ne’e tanba polítika MAP halo leilaun atu labele gasta orsamentu ba manutensaun kada tinan.

Tuir Diretora, tratór hamutuk 11 ho kondisaun di’ak no durante ne’e sempre utiliza hodi ajuda komunidade agrikultór sira hodi fila rai iha postu administrativu Maubisse, Hatu’udu, Ainaro, Hatubuiliku, inklui postu Ainaru Villa ne’e.

“Agora tratór 11 mak agora para hela iha arredór edifísiu MAP Ainaro no ho kondisaun di’ak, tanba apoiu orsamentu hosi ita-nia planu asaun anuál prevee mós manutensaun ba tratór,” nia akresenta.

Tanba ne’e, ekipa mekániku no tékniku sira agora tama ba faze trimestrál segundu atu hadi’a tratór sira ne’e ho kondisaun di’ak no laiha fallansu.

Entretantu, tratór haat ne’ebé atu halo leilaun, sosa dezde tinan 2006 to’o ohin loron.

“Governu labele aprova beibeik orsamentu ho montante boot atu halo manutensaun beibeik ba tratór sira ne’e,” nia subliña.

Jornalista : Natalino Costa

Editora     : Julia Chatarina

HAKEREK NO HATÁN

Please enter your comment!
Please enter your name here