Reprezentante atleta timor-oan na’in-tolu ne’ebé atu ba partisipa iha jogu olímpiku, Imelda Felisyta Ximenes belo dadalia ho jornalista sira, sesta, (09/07). Imajen Tatoli /Egas Cristovão.

DILI, 09, jullu 2021 (TATOLI)—Sekretáriu Estadu Juventude no Desportu (SEJD), Abrão Saldanha, husu ba atleta na’in-tolu ne’ebé partisipa jogu olímpiku iha Tokyo, Japaun tenke jogu ho dignidade no integridade.

Notísia Relevante: PR enkoraja atleta timor-oan kompete ho aten-brani no neon-metin

Sekretáriu Estadu Juventude no Desportu, Abrão Saldanha. Imajen Tatoli /Egas Cristovão

“Ita-nia esperansa mak atleta sira-ne’ebé reprezenta di’akliu no hatudu jogu ne’ebé di’ak ho dignidade no integridade. Kestaun manán ka lakon ne’e ikus. Importante ita-nia reprezentasaun dignidada ho integridade mak importante,” Governante ne’e informa ba jornalista sira, iha Palásiu Prezidensiál Nicolau Lobato, Bairru Pité, sesta ne’e.

Sekretáriu Estadu Juventude no Desportu ne’e hateten, desizaun ba partisipa iha jogu olímpiku ne’e hanesan obrigasaun ida hosi estadu nu’udar membru ba estadu komité  olímpiku Internasionál ne’e.

“Maske iha difikuldade oioin iha pandemia no iha dezastre naturál maibé ita nafatin iha esperansa hodi hatudu ita-nia ezisténsia no ita-nia reziliénsia iha situasaun defísil no ita konvive iha rai hotu-hotu iha jogu olímpiku koordensaun mundiál,” nia subliña.

Delegasaun atleta na’in-tolu ne’e kompostu hosi modalidade natasaun ka nani atleta na’in-rua no atletizmu na’in-ida.

Atleta na’in-tolu ne’e kompostu hosi Felizberto de Deus sei ba halai metru 1.500, modalidade natasaun reprezenta hosi atleta Imelda Felicita Ximenes Belo no atleta José João Viegas da Silva sei nani ho metru 50 ho freestyle no idak-idak nia kategória feto no mane.

Abrão Saldanha informa, Governu apoia apoia dezlokasaun ne’e ho montante orsamentu rihun $40 no situsaun mundiál atuál laiha vó komersiál entaun halo kustu viajen sai karun. 

Jornalista : Osória Marques

Editór        : Cancio Ximenes

HAKEREK NO HATÁN

Please enter your comment!
Please enter your name here