Rotunda Same Vila, Munisípiu Manufahi. Imajen/Espesiál

DILI, 09 jullu 2021 (TATOLI)-Ministériu Saúde (MS) dezde loron 07 to’o loron 09 jullu ne’e, halo konsulta saúde masál ba komunidade Munisípiu Manufahi.

“Objetivu hosi atividade ne’e konsulta masál ida-ne’e atu bele eduka komunidade ida-idak, oinsá hatoman an atu bele fó atensaun ba iha saúde katak saúde ne’e importante tebes iha ita-nia liman rasik,” Administradór Munisípiu Manufahi, Arantes Isaac Sarmento, informa ba Agência Tatoli liuhosi telefónika, sesta ne’e.

Nia hateten, Ministériu Saúde halo konsulta masál ba komunidade Munisípiu Manufahi tanba relasiona komemorasaun loron mundiál no loron Funsaun Públiku ne’ebé monu iha  jullu ne’e au-mézmu tempu responde pedidu ne’ebé parte munisípiu hato’o ba nasionál antes ne’e.

Nia afirma, iha atividade konsulta masál ne’e hetan prezensa hosi Vise-Ministru Saúde, Bonifácio dos Reis, akompaña hosi médiku, doutór espesialista-sira ne’ebé lori ba ho ekipamentu laboratóriu kompletu hodi fó konsulta ba komunidade.

Ba sira ne’ebé deteta moras nia dehan daudaun doutór sira fó ona ai-moruk hodi konsumu no ba oin haruka sira tenke ba konsulta hela de’it.

Jornalista       : Arminda Fonseca

Editór             : Francisco Simões

HAKEREK NO HATÁN

Please enter your comment!
Please enter your name here