Sekretáriu Parlamentu foin sa'e munisípiu Baucau, Leandro A. Guterres. Imajen TATOLI/Natalino Belo

BAUCAU, 09 jullu 2021 (TATOLI)–Sekretáriu Parlamentu foin sa’e munisípiu Baucau, Leandro A. Guterres, sente benefísiu sai membru ba organizasaun ne’e tanba bele forma joven iha responsablidade hodi prepara-an atu kontribui ba dezenvolvementu nasionál.

“Benefísiu Parlamentu foin sa’e ne’ebé ami partisipa mak oinsá atu hatene direitu, dever, sai sidadaun ne’ebé síviku, no iha responsabilidade iha futuru,” Sekretáriu hateten ba Agência TATOLI, iha sentru Juventude Baucau, Villa nova, sesta ne’e.

Notísia relevante: Parlamentu foin sa’e Baucau realiza hikas programa

antigu alunu Parlamentu foin sa’e fahe koñesimentu ba membru foun sira liuhosi formasaun.

“Espetativa iha futuru mak atu sai preparadu liután, tamba joven sira mak sai fini iha futuru no sai autór prinsipál ba dezenvolvementu,” nia subliña.

Iha fatin hanesan, Koordenadór antigu alunu Parlamentu foin sa’e Timor-Leste munisípiu Baucau, Gabriel Da Piedade Fraga, hateten, matéria importante iha formasaun ne’e maka edukasaun sívika, live skill education, no public speaking.

Enkuantu, programa ne’ebé inplementa iha tinan 2021 mak hanesan semana kreativa no formasaun rezolusaun konflitu.

Jornalista : Natalino Belo

Editora     : Julia Chatarina

HAKEREK NO HATÁN

Please enter your comment!
Please enter your name here