Hadau malu bola entre jogadór FIEL no Kablaki FC. Imajen/Dok.Mídia LFA

DILI, 09 jullu 2021 (TATOLI) – Prezidente klube Segunda Divizaun, FIEL FC, José da Conceição, hateten prontu kompete iha jogu Liga Futeból Timor-Leste (LFTL), Kopa Federasaun Futeból Timor-Leste (FFTL) no Tasa 12 de Novembru, ne’ebé sei hala’o agostu mai ne’e.

Notísia Relevante : 12 jullu, klube primeira divizaun-segunda divizaun hahú rejistu

“Hala’o fali jogu ne’e hanesan oportunidade, entaun ami preparadu no prontu para joga,” José da Conceição, hateten ba Agência Tatoli iha kampu FFTL, Dili, sesta ne’e.

Relasiona ho pandemia Covid-19 halo jogadór sira laiha treinamentu ho nune’e jogadór barak nia prestasaun monu, maibé maioria jogadór vasina hotu ona no treinamentu komesa fali ona nune’e bele rekoopera hikas prestasaun jogadór sira nian.

Iha sorin seluk diretór tékniku klube Lika-Lika Lemorai FC, Manuel da Costa, relata, klube nafatin prontu partisipa iha jogu ne’ebé sei realize agostu mai ne’e.

“Ami Lika-Lika sempre prontu, ita hotu hatene situasaun Covid mak halo buat hotu paradu, maibé ami estrutura no jogadór sira vasina hotu ona, aban ba oin komesa treinamentu hodi prepara ba jogu mai ne’e,” nia hateten.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here