Klasifikasaun Pra Liga Futsal Timor-Leste 2020. Imajen/PLFTL

DILI, 09 jullu 2021 (TATOLI)–Sekretáriu Jerál Asosiasaun Futsal Timor-Leste (AFTL), Fernando Baptista, informa inísiu agostu 2021, pra liga Futsal tenke realize ona tanba tuir dadus maioria jogadór hosi klube-sira vasina ona.

“Pra liga Futsal nian agostu ita tenke hahú ona, dadus provizóriu ita iha maioria jogadór vasina ona, sira barak mak kompleta ona doze primeiru,” Fernando Baptista, hateten ba Agência Tatoli iha edifísiu AFTL, Dili, sesta ne’e.

Nia dehan, maski serka sanitaria halo ema la bela halibur malu, maibé komunikasaun entre AFTL ho klube-sira kontinua lao hela liuhosi meiu WhatsApp no seluk tan.

“Agora daudauk klube sira hatama hela sira-nia dadus via eletrónika mai ami, iha tempu besik ami sei hato’o karta ida ba Sentru Integradu Jestaun Krize (SIJK) atu fó biban ba ami hala’o jogu,” nia hateten.

Iha sorin seluk nain ba klube FC Maudoko, Taquino Soares hateten, sira-nia parte preparadu no maioria jogadór vasina ona.

“Ami prontu iha tempu saida de’it, jogadór sira vasina hotu ona, AFTL re-ativa fali jogu ami Maudoko prontu atu kompete,” nia hateten.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here