Jogadora Maranatha haksoit tebe bola hodi hasai bola hosi jogadora S'Amuser. Imajen/FFTL

DILI, 08 jullu 2021 (TATOLI) – Sekretáriu Jerál Federasaun Futeból Timor-Leste (FFTL), Nelio Isaac Sarmento, informa  Timor-Leste iha oportunidade hodi partisipa iha jogu Asian Football Federation (AFF) 2021.

Jogu AFF sei hala’o iha Indonézia no Timor-Leste sei partisipa hosi selesaun nasionál U-16 to’o U-18.

“Jogu hotu sei hala’o iha Indonézia komesa hosi selesaun feto-mane hosi U-16 no U-18, no seniór nian uitoan mak hala’o iha Filipina, no tinan ne’e maioria jogu internasionál iha AFF nian de’it,” Nelio Isaac Sarmento hateten ba Agência Tatoli iha edifísiu FFTL, Dili, kinta ne’e.

Tuir oráriu jogu AFF sei hala’o iha agostu to’o dezembru 2021 no sei partisipa hosi nasaun sira iha Sudeste Aziátiku.

Iha sorin seluk, treinadór U-18 Eduardo Pereira hateten prontu tuir orientasaun hosi FFTL ba atividade saida de’it tantu nasionál no internasionál.

“Ha’u hanesan treinadór nafatin prepara jogadór sira, preparasaun ami nian mak kada loron hala’o treinamentu,” Eduardo Pereira hateten.

Iha fatin hanesan treinadór feminina U-18, Minyoung Lee hateten, treinamentu ba selesaun feminina sira kontinua lao kada-loraik iha kampu FFTL.

“Ita nia preparasaun ba feto sira lao hela, ferias kleur entaun sira-nia prestasaun tun, maibé ami nafatin book an beibeik hodi hasae fali prestasaun,” nia hateten.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here