Jogadór Juvenil AS Ponta Leste. Imajen Tatoli/ Hortençio Sanchez

DILI, 08 jullu 2021 (TATOLI) – Sekretáriu Jerál Federasaun Futeból Timor-Leste (FFTL), Nelio Isaac Sarmento, hateten daudauk ne’e FFTL seidauk fó autorizasaun ba sentru juveníl hala’o treinamentu tantu nasionál no munisipiu tanba sira-nia idade seidauk to’o tinan-18 no seidauk bele simu vasina kontra COVID-19.

“Ami seidauk bele fó kondisaun ba sentru juveníl sira atu realize liu-liu Munisipiu Dili, tanba ita nia situasaun serka sanitaria no sira nia idade seidauk bele atu vasina entaun ami labele foti risku, ho situasaun sira-ne’e hotu mak treinamentu normal ba labarik sira seidauk bele hala’o,”  Nelio Isaac Sarmento haktuir ba Agência Tatoli iha edifísiu FFTL Dili, kinta ne’e.

Nia dehan, bainhira Governu buka dalan no Organizasaun Mundial Saúde fó biban ona ba labarik sira bele simu ona vasina mak bele re-ativa treinamentu ba juveníl sira.

Jornalista       : Hortencio Sanchez

Editór             : Francisco Simões

HAKEREK NO HATÁN

Please enter your comment!
Please enter your name here