Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (07/07). Imajen TATOLI/Egas Cristóvão

DILI, 07 jullu 2021 (TATOLI)—Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, aprezenta Projetu Rezolusaun Governu iha reuniaun Konsellu Ministru (KM) no hetan ona aprovasaun, kona-ba atribui donativu ho valór $50.000 ba Organizasaun Nasaun Unida (ONU).

Donativu ne’e hodi realiza inisiativa Sekretáriu-Jerál ONU ho títulu ‘Ajenda komun ida nu’udar resposta ba dezafiu sira agora no futuru’. 

“Proposta ne’e mai atu hatán ba dezafiu Sekretáriu-Jerál ONU, ne’ebé apela kontribuisaun finanseira membru sira hotu tuir deklarasaun hodi komemora aniversáriu ONU ba tinan 75,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu iha Palásiu Governu, kuarta ne’e.

Nune’e mós, proposta ne’e deskreve atu hametin multilateralizmu no revitalizasaun knaar Nasaun Unida iha mundu.

Jornalista : Antónia Gusmão

Editora     : Julia Chatarina

HAKEREK NO HATÁN

Please enter your comment!
Please enter your name here